لاہور(مانیٹرنگ ڈیسک) محکمہ بہبود آبادی میں خاتون کو ہراساں کرنے کا کیس منظرعام پر آ گیا ،خاتون نے ایڈیشنل سیکرٹری اعظم خان کے خلاف خاتون وفاقی محتسب انسداد ہراسیت میں درخواست جمع کرادی ۔نجی ٹی وی کے مطابق صائمہ انیس نامی خاتون کا کہنا تھا کہ ایڈیشنل سیکرٹری بہبود آبادی اعظم خان نے سیکشن آفیسر ایڈمن یوسف کی ملی بھگت سے ہراساں کرنے کی کوشش کی۔ افسران کی جانب سے مسلسل ہراساں کرنے پر مجبوراًا جہلم پوسٹنگ کرائی۔ بات نہ ماننے پر سائلہ کا تبادلہ جہلم سے خانیوال

بعد ازاں مری کر دیا گیا اور مسلسل فون پر بھی ہراساں کیا جاتا رہا۔ خاتون ٹرانسفر کے سلسلے میں سیکرٹری کے آفس آئیں تو سیکشن آفیسر ایڈیشنل سیکرٹری اعظم خان کے کمرے میں زبردستی لے گیا اور اعظم خان نے پھر ہراساں کرنے کی کوشش کی۔صائمہ انیس کا کہنا تھا کہ بات ماننے اور نقاب اتارنے پر ایڈیشنل سیکرٹری اعظم خان نے من مانی جگہ پوسٹنگ کی آفربھی کی۔ دوسری جانب ایڈیشنل سیکرٹری بہبود آبادی اعظم خان نے کہا کہ تمام الزامات بے بنیاد ہیں، انہیں بدنام کرنے کی کوشش کی جا رہی ہے۔