راولپنڈی (مانیٹرنگ ڈیسک) راولپنڈی میں چودہ سالہ طالبعلم کو اغوا کرکے مبینہ طور پر زیادتی کا نشانہ بنایا گیا لواحقین اور اہل علاقہ نے واقعہ کے خلاف شدید احتجاج کیا اور دھمیال چکری روڈ کو بلاک کر دیا۔والد کے مطابق ملزم ارباب اور عادل نے اسلحہ کے زور پر اس کے بیٹے حماد کو اغوا
کیا اور زیادتی کا نشانہ بنایا۔ پولیس نے مقدمہ درج کر لیا مگر ملزمان کو فرار کروا دیا۔ مظاہرین نے سڑک کو ٹریفک کے لئے بند کرنے کے علاوہ دکانیں بھی بند کرا دیں ٗپولیس کی جانب سے ملزمان کی تین گھنٹے میں گرفتاری کی یقین دہانی پر شہریوں نے احتجاج وقتی طور پر ختم کر دیا۔
