اسلام آباد( مانیٹرنگ ڈیسک) مسلم لیگ ن کا وفد 2013ءکے عام انتخابات میں مبینہ دھاندلی کے تحقیقات کے لیے قائم جوڈیشل کمیشن میں جواب داخل کرانے پہنچ گیا۔وفد میں وفاقی وزیرمملکت انوشہ رحمان، اقبال ظفر جھگڑا، راجہ ظفرالحق، رفیق رجوانہ، اشتر اوصاف اور بیرسٹر ظفر اللہ شامل ہیں۔ مسلم لیگ ن کی طرف سے داخل کرائے جانے والے جواب میں تحریک انصاف کے دھاندلی کے تمام الزامات مسترد کیے گئے ہیں، جواب میں موقف اختیار کیا گیا ہے کہ تحریک انصاف 2سال تک انتخابی دھاندلی کی سازش کا غلط الزام لگاتی رہی۔ اس نے انتخابات کے بعد نتائج کو تسلیم کیا تھا، بعد میں دھاندلی کا شور مچا دیا۔جواب میں مزید کہا گیا ہے کہ 2013ءکے عام انتخابا ت میں تحریک انصاف کے متعدد امیدواروں کی ضمانتیں ہی ضبط ہو گئی تھیں۔دوسری طرف تحریک انصاف کے رہنمااسحاق خاکوانی اور عوامی نیشنل پارٹی کی رہنماءبشریٰ گوہر بھی دھاندلی کے شواہد پیش کرنے کے لیے جوڈیشل کمیشن پہنچ گئے ہیں۔ تحریک انصاف کی طرف سے دھاندلی کے ثبوت گاڑی میں بھر کر لائے گئے ہیں۔

مزید پڑھئے:ششش ! کوئی ہے ؟ مرنے والا اپنی موت کی اطلاع دیتا ہے۔۔۔