ممبئی (این این آئی)بالی وڈ اداکارہ اور پروڈیوسر ٹوئنکل کھنہ خواتین کو بااختیار بنانے کیلئے سرگرم ہوگئیں ٗ اس سلسلے میں ان کی پروڈکشن میں بننے والی فلم ’پیڈ مین‘ بھی اسی موضوع پر مبنی ہے۔ٹوئنکل کھنہ نے ایک انٹرویومیں کہاکہ وہ امید کرتی ہیں کہ یہ فلم ایک تحریک بن جائے جبکہ ان کا کہنا تھا کہ خواتین کو خود پر شرمندہ ہونے کی بھی کوئی ضرورت نہیں۔اس حوالے سے ٹوئنکل کھنہ نے نوبیل انعام یافتہ پاکستانی

لڑکی ملالہ یوسف زئی سے بھی بات چیت کی۔خیال رہے کہ فلم ’پیڈمین‘ کی کہانی بھارتی ریاست تامل ناڈو کے شہر کویمبٹور کے سماجی کارکن اروناچلم مروگناتھم کی جدوجہد کے گرد گھومتی ہے۔اروناچلم مروگناتھم نے اپنے علاقے میں محدود وسائل اور بے شمار مسائل کے باوجود خواتین کے لیے ماحول دوست سینیٹری پیڈز بنائے، اور

انہیں شرمساری سے محفوظ کیا۔اروناچلم مروگناتھم کو ان کی کاوشوں کے عوض پدما شری ایوارڈ سے بھی نوازا گیا تھا۔فلم ’پیڈمین‘ میں اکشے کمار مرکزی کردار ادا کررہے ہیں جبکہ ردھیکا آپٹے اور سونم کپور بھی اہم کرداروں میں نظر آئیں گی۔ٹوئنکل کھنہ کی پروڈکشن اور آر بالکی کی ہدایات میں بننے والی فلم اب رواں سال 9 فروری کو سینما گھروں میں نمائش کے لیے پیش کی جائے گی۔