ایمسٹرڈیم (مانیٹرنگ ڈیسک) نیدر لینڈز میں امریکی سفیر کو مسلمانوں کیخلاف بیان پرمعذرت کرنا پڑگئی،میڈیارپورٹس کے مطابق ہوکسٹرا نے کہا تھا مسلمانوں کے آنے سے نیدرلینڈز اور فرانس میں نوگوایریا بن گئے ہیں۔ ہوکسٹرا نے کہا تھا کہ نیدرلینڈزمیں افراتفری ہوگئی،سیاستدانوں کوجلایاجارہاہے۔امریکی سفیرپرنیدرلینڈزمیں صحافیوں نے سخت سوالوں کی بوچھاڑکردی۔ صحافی نے سوال کیا کہ آپ ایماندارہیں توکیا اس سیاستدان کا نام بتائیں گے جسے جلایا گیا۔ جلائے گئے

سیاستدان کانام پوچھنے پرامریکی سفیرنے خاموشی اختیارکرلی۔سفیرسے صحافی نے کہا کہ یہ نیدرلینڈزہے،یہاں سوالوں کاجواب دیناپڑیگا۔امریکی سفیرنے ماضی میں دیے گئے بیان کو آخرکار غلط مان لیا۔ہوکسٹرانے اعتراف کیا کہ میں غلطی پرتھا،یادنہیں غلطی کیسے ہوئی مگروہ غلطی تھی۔امریکی سفیر نے برطانوی اخبارکوانٹرویومیں کہا کہ ممالک کانام لیتے ہوئے کچھ گڑبڑہوگئی تھی۔غلطی کااعتراف کرنے کے باوجودہوکسٹرایہ نہ بتاسکے کہ سیاستدان کو کس ملک میں جلایاگیا۔