لاہور ( این این آئی) پاکستانی اداکارہ مہوش حیات نے جنسی ہراسگی کے معاملے پرہالی ووڈ اداکاراؤں سے اظہار یکجہتی کیا ہے ۔ مہوش حیات نے پاکستانی ساتھیوں کو بھی تگڑا پیغام دے دیا۔ گزشتہ روز75ویں گولڈن گلوب ایوارڈ کی تقریب ہوئی جس میں ریڈ کارپٹ پر تمام فنکار سیاہ لباس پہن کر شریک ہوئے یہ سیاہ لباس دراصل ٹائمز اپ نامی مہم کے حوالے سے پہنا گیا تھا ۔اسی حوالے سے اداکارہ مہوش حیات نے بھی ٹوئٹر اور

انسٹا گرام پیج پر سیاہ لباس میں تصویر شیئر کی اور بتایا کہ انہوں نے یہ سیاہ لباس کیوں پہنا ہے ۔مہوش حیات نے اپنے پیغام میں کہا کہ میں نے امریکہ میں شوبز انڈسٹری سے تعلق رکھنے والے افراد سے اظہار یکجہتی کیلئے سیاہ لباس پہنا ہے اور اپنے وطن کی ساتھیوں کو یہ پیغام دیا ہے کہ ہم کسی بھی طرح مردوں سے کم نہیں ہیں کسی بھی قسم کا ہراساں کرنا ہمارے لئے مکمل طور پر ناقابل قبول ہے اور ہم اسے برداشت نہیں کریں گے ۔