اسلام آباد (مانیٹرنگ ڈیسک)آج کل بین المذاہب شادیوں کا رجحان عام پایا جاتا ہے اور بیرون ملک مقیم پاکستانی نژاد لڑکے اور لڑکیاں ان شادیوں کی وجہ سے عموماََ خبروں کی زینت بنتے رہتے ہیں۔ ایسا ہی کچھ پاکستانی نژاد امریکی مسلمان لڑکی ملیحہ خان کے ساتھ ہوا ۔

جیسے ہی ملیحہ خان نے ایک یہودی لڑکے ایلان کروڈووا سے شادی کی ان کی شادی کو سوشل میڈیا پر کافی زیر بحث لایا جانے لگا ہے۔ بتایا جاتا ہے کہ 33 سالہ ملیحہ خان پاکستان کے شہر کراچی کی رہائشی ہے۔ امریکہ میں سمتھ کالج سے تعلیم حاصل کرنے کے بعد ملیحہ نے ایم بی اے کی ڈگری حاصل کرنے کے لیے ہارورڈ یونیورسٹی میں داخلہ لیا۔جبکہ 34 سالہ ایلان کی پرورش سیٹل میں ہوئی۔ ایلان نے کولمبیا یونیورسٹی سے ایم بی اے کی ڈگری حاصل کر رکھی ہے۔ کچھ عرصہ قبل دنوں کی ملاقات ایک ڈیٹنگ ایپ پر مئی 2016میں ہوئی اور پھر وہ دونوں ایک ٹرپ پر گئے ۔ ٹرپ سے واپسی پر دونوں نے شادی کا فیصلہ کیا۔ ملیحہ کے یہودی شوہر ایلان کا کہنا ہے کہ مجھے ملیحہ کا خود پر اعتماد پسند آیا، اس ٹرپ پر ہم دونوں کو احساس ہوا کہ ہم ایک دوسرے کے ساتھ رہ سکتے ہیں۔ ملیحہ نے کہا کہ میں کافی عرصہ سےاپنے اہل خانہ سے دور رہ رہی تھی۔اس ایڈونچر ٹرپ پر مجھے لگا کہ میں ایلان پر انحصار کر سکتی ہوں۔ ہم دونوں کو ہی ہمارے اہل خانہ یا سوسائٹیز کی جانب سے کسی بڑے رد عمل کا سامنا نہیں کرنا پڑا جبکہ ایلان کا کہنا ہے کہ ان کے اہل خانہ کو بھی ایسی بہو چاہئے تھی جو مجھے خوش رکھ سکے۔