اسلام آباد (مانیٹرنگ ڈیسک) پیپلز پارٹی کے چیئرمین بلاول بھٹو زرداری نے کہا ہے کہ لگتا ہے کہ نواز شریف نہیں چاہتے کہ حکومت اپنی مدت پوری کرے۔ سماجی رابطہ سائٹ ٹوئٹر پر اپنے پیغام میں بلاول بھٹو زرداری نے بلوچستان کے سیاسی بحران پر تبصرہ کرتے ہوئے کہا کہ

کیا وفاقی حکومت کو فکر بھی ہے کہ بلوچستان میں کیا ہو رہا ہے۔بلاول بھٹو زرداری نے سوال کیا کہ موجودہ صورتحال میں کیا ایک بھی وفاقی وزیر بلوچستان گیا ہے ٗلگتا ہے کہ نواز شریف نہیں چاہتے کہ حکومت اپنی مدت پوری کرے۔خیال رہے کہ بلوچستان میں وزیراعلی نواب ثناء اللہ زہری کے خلاف 14 اراکین نے تحریک عدم اعتماد جمع کرادی جس پر ووٹنگ 9 جنوری کے اجلاس کے دوران ہونے کا امکان ہے۔دریں اثناء سابق چیئرمین سینیٹ نیئر حسین بخاری نے کہا ہے کہ وفاق کے زیر انتظام قبائلی علاقے (فاٹا) اور اسلام آباد سمیت دیگر تینوں اسمبلی کی موجودگی اور بلوچستان اسمبلی کی عدم موجودگی سے حکومت پر کوئی فرق نہیں پڑتا۔نجی ٹی وی سے گفتگو کرتے ہوئے پاکستان پیپلز پارٹی کے جنرل سیکریٹری نیئر حسین بخاری نے کہا کہ بلوچستان سے 23 میں سے 12 سینیٹ ممبر مارچ تک موجود ہوں گے اور ایسے میں سینیٹر چیئرمین اور ڈپٹی چیئرمین کا انتخاب جائز ہوگا۔  پیپلز پارٹی کے چیئرمین بلاول بھٹو زرداری نے کہا ہے کہ لگتا ہے کہ نواز شریف نہیں چاہتے کہ حکومت اپنی مدت پوری کرے۔