کوئٹہ (مانیٹرنگ ڈیسک) نیشنل پارٹی کے مرکزی صدر وفاقی وزیر سینیٹر میر حاصل بزنجو نے کہا ہے کہ وزیراعلی نواب ثناء اللہ زہری کی حکومت بچانا مشکل لگ رہی ہے ،تحریک عدم اعتماد کا معاملہ پر اسرار ہے اس پر خدشات ہیں ،یہ بات انہوں نے نجی ٹی وی سے بات چیت کر تے ہوئے کہی انہوں نے کہا کہ میں سمجھتا ہوں کے اگر جمعیت علماء اسلام تحریک عدم کی حمایت کر دے توحکومت بچا نا مشکل ہوگانواب ثنا ء اللہ زہری کو حکومت

بچا نی ہے وہ اپنے نمبر پورے کریںیہ ہمارا مسئلہ نہیں ہے،بلوچستان میں معاملات پر اسرار ہیں یہا ں پر ایک ہی پارٹی ہے جس میں بغاوت ہے بات گاڑیوں اور فنڈز کی جارہی ہے اگر واقع اتنے چھوٹے معاملات تھے تو پھر نوبت عدم اعتماد تک کیسے پہنچی اسکے پیچھے محرکات کیا ہیں سمجھ میں نہیں آرہا ،انہوں نے کہا مسلم لیگ (ن) کے اراکین کو فنڈز نہیں ملے مگر تحریک عدم اعتماد پر سردار اختر مینگل ،جمعیت علما ء اسلام اور دیگر جماعتوں نے دستخط کردئیے اس معاملے میں پر اسرار چیزیں نظر آرہی ہیں ،انہوں نے کہا ہمارا مسلم لیگ(ن) سے اتحاد ہے ہمیں نہ وفاقی حکومت نے رابطہ کیا نہ ہی صوبائی نے ہم نے انکے نامزد وزیراعلیٰ کو اعتماد کا ووٹ دیا ہے،تحریک عدم اعتماد کا حصہ نہیں ہیں اور نہ بنیں گے انہوں نے کہا کہ جے یو آئی کا مینگل اور دوسروں کا آپس میں کوئی تعلق نہیں ہے انتے لوگ کیسے اکھٹے ہورہے ہیں ان سب کا ایک ہوجانا سمجھ میں نہیں آتا ، ایک سوا ل کے جواب میں انہوں نے کہا کہ ہمارا بھی ایک ایم پی اے ہے وہ سمجھتا ہے میرے کیس ختم ہوجائیں گے اور رہا ہو جاؤں گالیکن ہم پریشان ہیں انہیں رہا کون کررہا ہے اور پکڑا کس نے ہے یہ بال متی کا کنبہٰ کیسے اکھٹا ہورہا ہے انہوں نے کہا کہ گزشتہ ایک سال سے اسلام آباد ایک رائے یہ ہے کہ ایک اسمبلی کو توڑ کر سینیٹ کے انتخا بات روکے جائیں گے پہلے یہ سنا تھا کہ خیبر پختونخواء والے کریں گے مگر بلوچستان سے معا ملہ شروع ہونے سے ہمارے خدشات بڑھے ہیں،انہوں نے کہا کہ تحریک عدم اعتماد کو ناکام کر نے کے لئے وفاقی حکومت نے با قاعدہ ہلجل نہیں کی اب یہ انکی مرضی ہے کہ وہ کس گروپ کو سپورٹ کریں۔