اسلام آباد(مانیٹرنگ  ڈیسک)یوں تو پاکستان میں کئی شادیاں ایسی ہیں جن کو اس میں پیش آئے واقعات کے حوالے سے شاید ہمیشہ یاد رکھا جائے گا مگر ایک ایسی بارات بھی ہے جس میں دولہا کے دوستوں نے اسے ہمیشہ کیلئے یادگار بنا دیا ہے۔ محمد ارشد اپنے اہل و عیال اور دوستوں کے ہمراہ اپنی دلہن لینے جب خانپور پہنچا تو اس کے دوستوں نے اپنے دوست کی بارات کو ہمیشہ کیلئے یادگار بنانے کیلئے انوکھا کام کر ڈالا۔خان پور والوں کی تو جیسے لاٹری ہی نکل آئی ہو ۔ جیسے ہی بارات خان پور

پہنچی تو دلہا محمد ارشد کے دوستوں نے شہر میں داخل ہوتے ہی بس کی چھت پر کھڑے ہوکر ڈالروں اور سعودی ریالوں کی بارش کردی۔ اور یہی نہیںڈالروں اور ریالوں کے ساتھ ارشد کے دوست ڈبہ پیک موبائل فونز بھی لوگوں کی طرف اچھالتے رہے۔ ایسا کرنے کی دیر تھی کہ خان پور کے باسی بچے، بوڑھے جوان بارات پر امڈ آئے، کسی کے ہاتھ موبائل فون اور کوئی ڈالر اور ریال سے مالا مال ہو گیا۔ کہا جاتا ہے کہ خانپور میںایسی بارات کبھی نہیں آئی اور کچھ لوگ تو اسے پاکستان کی تاریخ کی مہنگی ترین بارات قرار دے رہے ہیں۔