اسلام آباد(سی پی پی )سابق وزیراعظم نوازشریف کے داماد کیپٹن(ر) صفدر نے کہا ہے کہ پرویز مشرف کو دو مرتبہ آئین توڑنے کا جواب دینا پڑے گا ، اب بچہ بچہ آئین پڑھ چکا ہے اور قوم اپنے حقوق کیلئے اکٹھی ہو گئی ہے ۔احتساب عدالت میں پیشی کے موقع پر صحافیوں سے گفتگو کرتے ہوئے کیپٹن (ر)صفدر نے کہا کہ ماضی کی طرح اب بھی فتح نوازشریف کی ہوگی،ماضی میں تحریک کے نتیجے میں قوم کوکیاملا؟، دیکھناچاہئے علما

کواکٹھاکرنے کے پیچھے کیامصلحت ہے؟انہوں نے کہاکہ جب تک آرٹیکل 6 اور پرویز مشرف زندہ ہے، ملک میں مارشل لا نہیں لگ سکتا، پرویز مشرف کو2دفعہ آئین توڑنے کاجواب دیناپڑے گا،اب بچہ بچہ آئین پڑھ رہاہے اورالحمدللہ قوم اپنے حقوق کیلئے اکٹھی ہوگئی ہے۔انہوں نے کہا کہ آئین کی بنیاد پرملک مضبوط ہوتے ہیں،1973کا آئین مقدس ہے کیونکہ یہ ناموس رسالت کامحافظ آئین ہے۔