اسلام آباد(مانیٹرنگ ڈیسک)اسرائیلی فوج کا مقابلہ کرنے کیلئے تیار، جنگ ہوئی تو اسرائیل کو شکست فاش سے دوچار کرینگے، لبنانی آرمی چیف کا روسی ٹی وی کو انٹرویو۔ تفصیلات کے مطابق لبنانی آرمی چیف نے روسی ٹی وی کو دئیے گئے اپنے انٹرویو میں کہا کہ لبنانی فوج اسرائیلی حملے کا مقابلہ کرنے کیلئے تیار ہے اسرائیل کے اقدامات لبنان اور اور اسکے لوگ کے خلاف ہیں۔ اسرائیل کو جنگ کی صورت میں شکست کا سامنا کرنا پڑے گا۔ انٹرویو کے دوران ایک سوال کا جواب دیتے ہوئے لبنانی
آرمی چیف کا کہنا تھا کہ عرب لیگ کے اعلامیہ پر مکمل عمل درآمد کریں گئے تاکہ خطے میں امن کو یقینی بنایا جا سکے۔ واضح رہے کہ عرب لیگ نے لبنان کی مزاحمتی تنظیم حزب اللہ کوکو دہشت گرد قرار دے دیا تھا، حالیہ کشیدگی کا تعلق عرب لیگ میں ہونے والے فیصلے سے ہے۔خیال رہے کہ مشرق وسطیٰ کے امور سے متعلق ماہرین آئندہ 48گھنٹوں کو لبنان اسرائیل جنگ کے حوالے سے اہم قرار دے رہے ہیں۔
