ایبٹ آباد۔۔۔۔۔۔۔ عوامی تحریک کے سربراہ ڈاکٹر طاہرالقادری نے کہا ہے کہ اللہ تعالیٰ نواز حکومت کو فوری طور پر گرانا نہیں چاہتا، ہمیں کسی کے اتفاق اور اختلاف سے فرق نہیں پڑتا، دھرنا ختم کر نے کےلئے ایک ماہ تک عمران خان سے مشاورت کی، کمانڈر نے جنگ چھوڑی نہیں حکمت عملی بدل لی ہے، کارکن تنقید پر کان نہ دھریں، عوام نے دو تہائی اکثریت سے منتخب کرایا تو ایبٹ آباد کو سب سے پہلے صوبہ بنائیں گے۔ جمعرات کو ایبٹ آباد میں جلسہ سے خطاب کرتے ہوئے کہا کہ دھرنے سے عوام میں شعور پیدا کرنے میں کامیاب ہو گئے ہیں اور دھرنا ختم کرکے گھر نہیں بلکہ شہر شہر کا رخ کر رہے ہیں۔ انہوںنے کہا کہ ارادہ نہیں بدلا بلکہ نئے نئے محاذ کھولیں گے جن سے موجودہ نظام دھڑام سے گر جائےگا۔ انہوں نے کہا کہ اب کوئی بچہ ہسپتال میں پیدا ہوگا تو وہ روئے گا نہیں بلکہ گو نواز گو کہے گا۔ انہوں نے کہا کہ ہم محرم الحرام کا وقفہ کر رہے ہیں اور کارکنوں کو تیاری کا وقت دے رہے ہیں،