اسلام آباد(مانیٹرنگ ڈیسک)رنگ بلاشبہ انسانی جذبات اور احساسات پر اپنا اثر رکھتے ہیں اور انسانی خیالات ، جذبات اور احساسات پر رنگوں کے حوالے سے تحقیق کرنے والے ماہرین نے ایسا رنگ بتا دیا ہے جس میں مرد کشش محسوس کرتے ہیں اور ایسے رنگ کا لباس پہننے والی

خواتین کی طرف زیادہ متوجہ ہوتے ہیں۔ غیر ملکی خبر رساں ادارے کی رپورٹ کے مطابق برطانوی ماہرین کا کہنا ہے کہ سرخ رنگ میں خواتین مردوں کی نظر میں سب سے زیادہ پرکشش ہوتی ہیں اور ایسی خواتین سے بات کرنے کے خواہش مند مردوں کی تعداد بہت زیادہ بڑھ جاتی ہے۔ اس تحقیق کو درست ثابت کرنے کیلئے ایک خاتون محقق ہیلے کیوین نامی نے اس کا تجربہ خود اپنے پر کیا ۔ وہ مختلف رنگ کے لباس پہن کر لندن کی سڑکوں پر گھومتی رہی لیکن اس کی طرف مردوں نے بالکل توجہ نہیں کی لیکن جب وہ سرخ رنگ کا کوٹ پہن کر سڑک پر آئی تو صرف 30منٹ میں 5مردوں نے اسے راستے میں روک کر بات کی اور اس سے ملاقات کی خواہش کا اظہار کیا۔ہیلے نے اس تجربے کی ویڈیو یوٹیوب پر پوسٹ کی ہے جس میں اس کا کہنا ہے کہ ”پہلے میں دیگر رنگ کے لباس پہن کر 30منٹ تک سڑک پر چلتی رہی لیکن کسی مرد نے روک کر مجھ سے بات نہیں کی لیکن جب میں سرخ رنگ پہن کر نکلی تو صرف 30منٹ میں 5مردوں نے مجھے روکا اور بات کی۔