اسلام آباد (مانیٹرنگ ڈیسک) قومی احتساب بیورو کے چیئرمین جسٹس جاوید اقبال نے نیشنل ٹیسٹنگ سروس ( این ٹی ایس) کے خلاف متعد دفعہ پرچہ آؤٹ ہونے، مبینہ بد عنوانی اور طلباء/طالبات کے مفادات کا تحفظ نہ کرنے پر انکوائری کاحکم دیا ہے۔ نیب نے اس سلسلہ

میں قومی احتساب بیورو کے چیئرمین کی ہدایت پر انکوائری شروع کردی ہے ۔ نیب کے چیئرمین جسٹس جاوید اقبال نے کہاہے کہ نیب میرٹ ، شافیت اور ٹرانسپرنسی کے برخلاف کسی بھی ادارے کو طلباء/طالبات کے مستقبل سے کھیلنے کی اجازت نہیں دے گی۔ نیب تمام طلباء/ طالبات کے مفادات کا تحفظ ہر صورت یقینی بنائے گا اور کسی کی محنت کو ضائع اور رائیگا نہیں ہونے دیا جائے گا۔ نیب کو این ٹی ایس کے خلاف متعدد شکایات موصول ہوئیں جن کو یکجا کرکے انکوائری کا حکم دیا اور کارروائی کا نیب نے آغاز کردیا گیاہے۔ چیئرمین نیب نے کہاکہ این ٹی ایس کے متعدد مواقع پر پرچے آؤٹ ہوئے جس سے طلباء کے وسائل ، وقت اور محنت کرنے والے طلباء و طالبات کی حلق تلفی ہوئی۔ اس ضمن میں اسبات کا بھی جائزہ لیا جارہا ہے کہ این ٹی ایس پرچہ آؤٹ ہونے کے دوبارہ پرچہ لینے کی مجاز تھی یا نہیں ۔ انہوں نے کہاکہ این ٹی ایس کو اس بات کویقینی بنانا ہو گا کہ صرف اور صرف میرٹ اور شفافیت کی بناء پر این ٹی ایس اپنی سفارشات مرتب کرے تاکہ ملک میں ذہین اور قابل طلباء وطالبات کے مفادات کا تحفظ کیا جاسکے۔