اسلام آباد (مانیٹرنگ ڈیسک) وزیر مملکت برائے داخلہ طلال چوہدری نے کہا ہے کہ عمران خان دعا کریں ریحام خان کی زبان اور گلالئی کا بلیک بیری بند ہی رہے اگر یہ کھلے تو عمران خان کو اوقات یاد آ جائے گی، جہانگیرترین پڑھے لکھے جعلساز اوروائٹ کرائم کے اسپیشلسٹ ہیں۔میڈیا سے گفتگو کرتے ہوئے کہا کہ انہوں نے کہا کہ عمران خان کی معاشی کرپشن کی بات ہورہی ہے، اخلاقی کرپشن کی تو ابھی بات ہی نہیں کی،
عمران خان یورپ کی مثالیں دیتے ہیں، دعا کریں ریحام خان کی زبان اور گلالئی کابلیک بیری بند ہی رہے۔یہ بڑے پاکباز بنتے ہیں لیکن ریحام خان کی زبان اور گلا لئی کا بلیک بیری کھلے تو ان کا سب کچھ سامنے آ جائے گا اور انہیں اپنی اوقات بھی یاد آ جائے گی ۔انہوں نے کہا کہ لیکچرار کیسے یوکے میں12ایکڑ کا گھر بنا سکتا ہے، جہانگیرترین کے ملازم ان سے بھی زیادہ امیرہیں، جہانگیرترین کے کیس میں لگتا ہے ان کے ملازمین نے مالک رکھا ہے، جہانگیر ترین پڑھے لکھے جعلساز اوروائٹ کرائم کے اسپیشلسٹ ہیں بلکہ وائٹ کالرکرائم کاسرغنہ ہیں۔ ۔انہوں نے کہا کہ جہانگیر ترین نے وائٹ کرائم کرکے بھائیوں کی جائیداد پر قبضہ کیا، جہانگیرترین کی پاکستان میں 18ہزارایکڑ زمین ہے جبکہ انہوں نے یو کے میں 12 ایکڑ پر اپنا گھر بنایا، 15 ہزار تنخواہ چھپائیں تو سزا اگر12ایکڑ چھپائیں تو جانے دیں۔جہانگیرترین کہتے ہیں کہ ان کی آف شورکمپنی بھی حلال ہے، ان کا ٹرسٹ اورتحفے بھی حلال ہیں۔انہوں نے کہاکہ ہماری زبان میں تلخیاں ناانصافیوں کی وجہ سے آئیں،ناانصافیوں کاخاتمہ کردیں تلخی ختم ہوجائے گی۔طلال چوہدری نے کہا کہ باپ کاسرجھکانے کیلئے بیٹی کوناحق مقدمات میں الجھایاجارہاہے۔
