لاس ویگاس (نیوز ڈیسک) امریکی ماڈل سارہ سٹیج جن کی دوران حمل غیر معمولی سمارٹنس کی حامل تصاویر نے انٹرنیٹ پر دھوم مچا دی تھی، بیٹے کی ماں بن گئی ہیں۔ دلچسپ امر یہ ہے کہ سارہ کے ہاں جنم لینے والے بچے کا وزن 8پونڈ 7اونس ہے جبکہ پیدائش سے قبل انہیں تنقید کا نشانہ بنانے والے بچے کی صحت کے حوالے سے سوالات اٹھا رہے تھے۔اس پر بعض ماہرین کی رائے بھی سامنے آئی تھی جس میں انہوں نے کہا تھا کہ بچے کی صحت کی جانچ اس کے وزن سے نہیں کی جانی چاہئے اور سارہ کے بچے کا وزن کم ہونا اس کی خراب صحت کی علامت نہیں۔ سارہ سٹیج کی انسٹاگرام سیلفیز پر تبصرہ کرنے والوں نے انہیں ظالم قرار دیا تھا جو اپنی سمارٹنس کے چکر میں اپنے بچے پر ظلم کررہی تھیں۔ انہوں نے لنگری سمیت مختلف پرکشش ملبوسات میں اپنی تصاویر شائع کی تھیں۔ ان تمام میں وہ اپنی جسامت سے بمشکل حاملہ دکھائی دیتی تھیں۔
اس موقع پر تیس سالہ سارہ کو یہ وضاحت دینا پڑی تھی کہ وہ ، وہ تمام کام کررہی ہیں جو ایک ماں کو دوران حمل کرنے چاہئیں ۔ وہ متوازن غذا بھی لے رہی ہیں اور ہفتے میں دوبار ورزش بھی کرتی ہیں نیز ان کا وزن بھی اسی شرح سے بڑھ رہا ہے جو کہ کسی بھی عورت کا دوران حمل بڑھنا چاہئے۔
مزید پڑھئے:مصری میڈیا پروڈکشن سٹی میں بجلی کا بریک ڈاﺅن، ٹی وی نشریات بند
سارہ سٹیج کے بیٹے کی پیدائش کے بعداب امید ہے کہ یہ بحث کم ہوجائے گی کہ دوران حمل ماں کا وزن کس قدر بڑھناچاہئے اور ماں کے وزن سے بچے کادرست اندازہ لگایا جاسکتا ہے یا نہیں۔
