اسلام آباد(مانیٹرنگ ڈیسک)امام کعبہ ڈاکٹر شیخ صالح عبداللہ بن حُمیدد دو روزہ دورے پر پاکستان پہنچ گئے۔ تفصیلات کے مطابق امام کعبہ ڈاکٹر شیخ صالح عبداللہ بن حُمیددو روزہ دورے پر پاکستان پہنچ گئے ہیں وہ یہاں دو روزہ عالمی حلال خوراک کانفرنس میں شرکت کریں گے۔کانفرنس کے انتظامات کو حتمی شکل دی جا چکی ہے جبکہ سکیورٹی کے بھی
فول پروف انتظامات کر لئے گئے ہیں۔ امام کعبہ اپنے دورہ پاکستان کے دوران اہم شخصیات سے ملاقات بھی کریں گے جبکہ پاکستان کی مذہبی جماعتوں کے وفود بھی ان سے ملاقات کریں گے۔پاکستان پہنچنے پر و زیرمواصلات ڈاکٹرحافظ عبدالکریم ،سعودی سفیر نے امام کعبہ کا استقبال کیا۔ امکان ظاہر کیا جا رہا ہے کہ امام کعبہ ڈاکٹر شیخ صالح عبداللہ بن حُمیددو روزہ دورے کے دوران بڑی مساجد میں نمازوں کی امامت کروانے کے ساتھ ساتھ خطبہ بھی ارشاد کریں گے۔
