اسلام آباد (مانیٹرنگ ڈیسک) افغانستان میں گزشتہ ہفتے کے دوران دھشتگردی کی پے درپے کاروائیوں کے بعد پاکستان نے افغانستان کو دھشتگردی کے خلاف جنگ میں ساتھ دینے کی پیشکش کردی۔ دفتر خارجہ نے کہا ہے کہ پاکستان، دھشتگردی کے ناسور کو جڑ سے ختم کرنے کیلئے جنگ میں افغان حکومت کے ساتھ شانہ بشانہ کھڑاہے۔ گزشتہ ہفتے کے دوران افغانستان میں دھشتگردی کی کاروائیوں کے دوران تقریبا دوسوافراد ہلاک یا زخمی ہوئے ۔ افغان عوام اس ہفتے کو سال کا سب سے خون والا ہفتہ قرار دے رہی ہے۔ ادھر افغان کابینہ صدر اشرف غنی سے سیکیورٹی کی صورتحال کے بارے سوالات
کررہی ہے۔ ترجمان دفتر خارجہ نفیس زکریا نے افغانستان میں خوفناک حملوں کے دوران قیمتی انسانی جانوں کے ضیاع پر افسو س کا اظہار کیا اور متاثرہ خاندانوں سے تعزیت کا اظہار کیا ۔ انہوں نے کہا کہ دھشتگردوں کے مکمل خاتمے کیلئے ریاستوں میں قریبی تعاون کی ضرورت ہے۔ .واضع رہے کہ گزشتہ ہفتے کے دوران طالبا ن کے خودکش حملے کی کاروائیوں میں قندھار میں 43افغان جوان ہلاک اور 9زخمی ہوئے۔ایک دوسرے حملے کے دوران طالبان نے ایک شیعہ مسجد پر حملہ کیا جس میں 54شہری شہید اور 55زخمی ہوئے۔ اس کے علاوہ ایک اور حملے کے دوران تقریبا70افراد ہلاک ہوئے۔
