اسلام آباد (مانیٹرنگ ڈیسک) سابق وزیراعلیٰ سندھ ارباب غلام رحیم کا تحریک انصاف میں شمولیت کا فیصلہ، تفصیلات کے مطابق سابق وزیراعلیٰ سندھ ارباب غلام رحیم کے تحریک انصاف میں شمولیت کے فیصلے پر شاہ محمود قریشی نے ان کی پارٹی میں شمولیت کا خیر مقدم کیا ہے، تحریک انصاف کے وائس چیئرمین شاہ محمود قریشی سے ارباب غلام رحیم نے ملاقات کی اس ملاقات میں ملکی
سیاسی صورتحال پر بات چیت کی گئی، اس ملاقات کے دوران تحریک انصاف کے رہنما عارف علوی، حلیم عادل اور دیگر رہنما بھی موجود تھے۔ اس ملاقات کے دوران سندھ کے سابق وزیراعلیٰ ارباب غلام رحیم نے عمران خان کی قیادت پر اعتماد کرتے ہوئے تحریک انصاف میں شامل ہونے کا فیصلہ کیا ہے۔ ان کی شمولیت کا اعلان تحریک انصاف کے چیئرمین عمران خان سے ملاقات کے بعد کیا جائے گا۔
