اسلام آباد(مانیٹرنگ ڈیسک)مریم نواز جو ان دنوں اسلام آباد کے سیکٹر F-6/3میں اپنی سمدھی چوہدری منیر کے گھر مقیم ہیں اہم لیگی رہنمائوں سے ملاقاتوں کو مفقود بھی کئے ہوئے ہیں۔ چوہدری منیر کے گھر لیگی رہنمائوں کے ساتھ شرمناک سلوک سے متعلق خبریں

اس وقت میڈیا کی زینت بننا شروع ہوئیں جب سندھ کے گورنر اور لیگی رہنما محمد زبیر مریم نواز سے ملاقات کیلئے ان کے سمدھی چوہدری منیر کی رہائش گاہ واقع سیکٹر F-6/3پہنچے جہاں انہیں اندر جانے سے گارڈز نے روک دیا اور وہ کافی دیر تک دروازے پر اندر داخلے کی اجازت ملنے کے انتظار میں کھڑے رہے اور بعدازاں ناراض ہو کر واپس چلے گئے جس کے کچھ دیر بعد انہیں دوبارہ بلوالیا گیا۔ ایسا ہی ایک واقعہ وزیر مملکت برائے اطلاعات و نشریات مریم اورنگزیب کے ساتھ بھی پیش آیا جس کی ایک تصویر سوشل میڈیا پر تیزی سے وائرل ہو رہی ہے ۔ تصویر میں دیکھا جا سکتا ہے کہ مریم اورنگزیب کو ایک شخص بازو سے پکڑ کر گیٹ کے باہر نکالنے کی کوشش کر رہا ہے۔ واضح رہے کہ اس سے قبل حلقہ این اے 120کی ووٹنگ والے دن الیکشن نتائج سنتے ہوئے مریم نواز کی انتخابی ٹیم کے ہمراہ ایک تصویر بھی سوشل میڈیا پر سامنے آچکی ہے جس میں دیکھا جا سکتا ہے کہ وزیر مملکت برائے اطلاعات و نشریات مریم اورنگزیب ، مریم نواز کے قدموں میں نیچے فرش پر بیٹھی ہوئی ہیں۔