اسلام آباد (ویب ڈیسک) مائنس نواز شریف کی کسی کی خواہش پوری نہیں ہو گی ،مسلم لیگ (ن) ایک سیاسی جماعت ہےاور ایک سیاسی جماعت میں تمام ممبران اور رہنماؤں کو اپنی رائے کا اظہار کرنے کا حق حاصل ہونا چاہئیے، ان خیالات کا اظہار صوبائی وزیر قانون رانا ثنا اللہ نےنجی ٹی وی پروگرام سے گفتگو کرتے ہوئے کیا۔ ان کاکہنا تھا کہ (ن) لیگ کے رہنما بھی نواز شریف
کی قیادت میں متحد ہیں اور پارٹی کی اکثریت میں اتفاق رائے پایا جاتا ہے۔ان کامزید کہنا تھا کہ آج کا دن دیکھ لیں کہ میاں نواز شریف پر اللہ اور بیس کروڑ عوام کا کتنا کرم ہے کہ اپوزیشن بھی میاں نواز شریف ہے، حکومت بھی میاں نواز شریف ہے اور اگر کسی لیڈر کو ٹیک اور کرنے کا کہا جا رہا ہے تو شہباز شریف کا نام لیا جا رہا ہے مطلب کہ ہر طرف نواز شریف ہی ہے۔
