اسلام آباد(مانیٹرنگ ڈیسک)پاکستان میں اگر مارشل لا بھی لگ جائے تب بھی پیپلزپارٹی اسٹیبلشمنٹ کا ساتھ دے گی، دوستانہ مخالفت جاری رہے گی، عملی طور پر ساتھ دینگے، پیپلزپارٹی کی اعلیٰ قیادت کی جانب سے اسٹیبلشمنٹ کو پیغام، بدلے میں آصف زرداری اور ان کے چند رفقا کیلئے محفوظ راستہ مانگ لیا گیا، نجی ٹی وی پروگرام میں سینئر صحافی و تجزیہ کار ڈاکٹر شاہدمسعود کا انکشاف۔ تفصیلات کے مطابق نجی ٹی وی پروگرام میں انکشاف کرتے ہوئے سینئر صحافی و تجزیہ کار
ڈاکٹر شاہد مسعود کا کہنا تھا کہ سابق صدر اور پیپلزپارٹی کے کو چیئرمین آصف علی زرداری کی جانب سے اسٹیبلشمنٹ کو یہ پیغام بھیجا گیا ہے کہ پاکستان میںمارشل لا بھی لگ جائے تو میں آپ کی حمایت کروں گا۔ ایک دوستانہ قسم کی مخالفت جاری رہے گی مگر عملی طور پر میں آپ کی مکمل حمایت کروں گا مگر اس پیش کش میں چند شرائط بھی ہیںجن میں آصف علی زرداری،ان کے اہل خانہ جن میں ان کی ہمشیرہ فریال تالپور اور چند رفقا شامل ہیں ان کا مکمل طور پر محفوظ راستہ باہر ہونا چاہئے۔
