کراچی(این این آئی)مرکزی رویتِ ہلال کمیٹی پاکستان کے چیرمین مفتی منیب الرحمن نے اعلان کیا ہے کہ ماہِ صفر المظفر1439  کا چاندجمعہ کو نظر نہیںآیااور یکم صفر المظفر اتوار22اکتوبر 2017  کو ہوگی ۔دریں اثناجمعہ کو مرکزی رویت ہلال کمیٹی پاکستان کا اجلاس دفتر محکمۂ موسمیات(میٹ کمپلیکس) موسمیات چورنگی ، کراچی میں مفتی منیب الرحمن کے زیرِ صدارت منعقد ہوا۔اجلاس میں زونل رویتِ ہلال کمیٹی کے ارکان :مولانا اسد دیوبندی ، مولانا حافظ محمد سلفی ،قاری نذیراحمد نعیمی،

مولاناصابر نورانی،مولانا فیروزالدین رحمانی اور علامہ سید علی کرار نقوی نے شرکت کی ۔فنی معاونت کے لئے محکمۂ موسمیات کے چیف میٹر ولوجسٹ عبدالرشید ا ورسپارکو کے غلام مرتضیٰ نے شرکت کی ۔ملک بھر میں کسی بھی مقام سے رویت کی شہادت موصول نہیں ہوئی ، محکمۂ موسمیات نے بھی اپنے مراکز سے عدمِ رویت کی رپورٹ دی،جامعۃ الرشید کے شعبۂ فلکیات کے مراکز نے بھی عدمِ رویت کی رپورٹ دی،لہٰذا اتفاقِ رائے سے فیصلہ کیا گیاکہ یکم صفر المظفر اتوار22اکتوبر 2017  کو ہوگی ۔