لاہور(مانیٹرنگ ڈیسک)لاہور سے 2015ء میں لاپتہ ہونے والی خاتون صحافی زینت شہزادی کو پاک افغان سرحد کے قریب سے بحفاظت بازیاب کرا لیا گیا ۔لاپتہ افراد کے لیے قائم کمیشن کے سربراہ جسٹس (ر)جاوید اقبال نے بی بی سی سے گفتگو کرتے ہوئے زینت شہزادی کی واپسی کی تصدیق کرتے ہوئے کہا کہ انہیں پاک افغان سرحد کے قریب سے بازیاب کروادیا گیا ہے۔انہوں نے کہا کہ خاتون صحافی کو چند غیرریاستی عناصر اور دشمن ایجنسیوں نے

اغوا ء کیا تھا تاہم انہیں بازیاب کرادیا گیا ہے جس کے لیے بلوچستان اور خیبرپختونخوا ہ کے قبائلی رہنماؤں نے اہم کردار کیا۔زینت شہزادی کی گمشدگی کا معاملہ مارچ 2016 میں اس وقت نمایاں ہوا تھا جب ان کے بھائی صدام نے خودکشی کی کوشش کی تھی۔تاحال زینت یا ان کے خاندان کے جانب سے ان کی رہائی یا اس سے جڑے واقعات کے بارے میں کوئی بیان جاری نہیں کیا گیا ۔زینت شہزادی لاہور کے ایک مقامی چینل کے لیے کام کرتی تھیں۔