خانیوال(آئی این پی ) کراچی میں چھرا مار گروپ کے بعد خانیوال میں ہتھوڑا گروپ متحرک ہو گیا، تین دن میں گروپ نے ایک شخص کو قتل اور دوسرے کو شدید زخمی کر دیا، دکاندار عبدالرشید زندگی اور موت کی کشمکش میں مبتلا ہے، پولیس ہتھوڑا گروپ کے آگے بے بس ۔تفصیلات کے مطابق کراچی میں چھرا مار گروپ کے بعد خانیوال کی تحصیل جہانیاں میں ہتھوڑا گروپ متحرک ہو گیا۔ تین دن کے اندر ہتھوڑا گروپ نے ایک شخص کو قتل اور دوسرے کو شدید زخمی کر دیا۔ زخمی ہونے والا دکاندار عبدالرشید
زندگی اور موت کی کشمکش میں مبتلا ہے۔ خانیوال پولیس ہتھوڑا گروپ کے آگے بے بس ہے۔شہریوں نے خوف کے مارے رات کو گھر سے نکلنا چھوڑ دیا۔ جہانیاں کے مشہور پراپرٹی ڈیلر عبدالرحمن کے والد نذیر احمد کو سر پر ہتھوڑے کے وار کر کے ہلاک کر دیا گیا۔ نظام آباد ٹان میں کشمیر کاٹن فیکٹری کے نزدیک گھر کے باہر سوئے ہوئے عبدالرشید کو نشانہ بنایا گیا۔ ایس ایچ او جہانیاں حق نواز نے واقعات کی تصدیق کرتے ہوئے بتایا کہ پتہ نہیں یہ گروپ کہاں سے آگیا ہے اور ایسی وارداتیں کیوں کر رہا ہے۔