اسلام آباد (مانیٹرنگ ڈیسک)4بہنیں قتل ہو گئیں، قاتلوں کو سزا دلوانے کیلئے پولیس کو رشوت دینے کیلئے گردہ بھی بیچ دیا، پولیس ملزمان سے مل گئی، متاثرہ شخص ضعیف ماں کے ہمراہ ڈی پی او کے دروازے پر دہائیاں دیتا رہ گیا۔ تفصیلات کے مطابق سوشل میڈیا پر ایک ویڈیو تیزی سے وائرل ہو رہی ہے جس میں دیکھا جا سکتا ہے کہ ایک شخص اپنی ضعیف والدہ کے ہمراہ اپنی 4بہنوں کے قتل کے بعد انصاف کیلئے ڈی پی او وہاڑی کے آفس کے باہر دہائیاں دے رہا ہے۔ اس شخص نے روتے ہوئے بتایا کہ اس کی چار بہنیں
قتل ہوگئیں لیکن 3 مہینے گزر گئے ایس ایچ او نے ملزمان کو پکڑنے کیلئے ایک بھی چھاپہ نہیں مارا۔اس شخص نے بتایا کہ اس نے پولیس کو رشوت دینے کیلئے اپنا ایک گردہ بھی بیچ دیا ہے لیکن پولیس نے ملزم پارٹی سے بھاری رشوت لے لی اور کارروائی سے گریزاں ہے۔ ’ ہم نے ایس ایچ او بالی گجر کو ریکارڈنگز بھی سنادیں لیکن وہ قاتلوں کو پکڑنے کیلئے کچھ بھی نہیں کرتا‘۔ مذکورہ شخص نے مزید بتایا کہ اس نے ڈی پی او وہاڑی کو 20 درخواستیں لکھی ہیں مگر ان کی جانب سے بھی کوئی نوٹس نہیں لیا جا رہا۔
