کوئٹہ (مانیٹرنگ ڈیسک)بلوچستان ہائیکورٹ نے سابق وزیر داخلہ بلوچستان نوابزادہ گزین مری کی 3ایم پی او کے تحت نظربندی کے احکامات کو کالعدم قراردیتے ہوئے ان کی رہائی کے احکامات جاری کردئیے منگل کو جسٹس جمال مندوخیل اور جسٹس نذیر لانگو پر مشتمل ڈویژن بینچ نے نوابزادہ گزین مری کی نظر بندی کے خلاف دائر آئینی درخواست پر
فیصلہ صادر کرتے ہوئے حکومت بلوچستان کی جانب سے 28ستمبر کو نوابزادہ گزین مری کو نظر بند کرنے کے احکامات کو بدنیتی پر مبنی قراردیتے ہوئے اس فیصلے کو کالعدم قراردے دیا اور سابق صوبائی وزیر نوابزادہ گزین مری کو جلد رہا کرنے کے احکامات صادرکردیئے کہ اگر وہ کسی اور کیس میں مطلوب نہ ہوں تو انہیں رہا کردیا جائے ۔
