کراچی(آئی این پی ) وزیر اعظم کے مشیر ہوابازی سردار مہتاب احمد خان نے کہا ہے کہ پی آئی اے 400 ارب کے خسارے کے باعث ٹائی ٹینک بن چکا،قومی ائر لائن کی تباہی میں ملازمین افسران اور مختلف ادوار کی حکومتیں ذمہ دار ہیں،اوپن اسکائی پالیسی نے قومی ائرلائن کا مالی خسارے کئی گناہ بڑھا دیا، خلیجی ممالک کی ائر لائنیں ہمارے ڈومیسٹک روٹس سے مسافر لے

جانے لگیں۔ پی آئی اے کی ری فربش 777 طیارہ کراچی سے اسلام آباد روانگی سے قبل مشیر ہوابازی سردار مہتاب احمد خان نے صحافیوں سے غیر رسمی بات چیت کرتے ہوئے کہا کہ پی آئی اے 400 ارب روپے کے خسارے کے باعث ٹائٹینک بن چکا ہے۔ قومی ائر لائن کی تباہی میں ملازمین افسران اور مختلف ادوار کی حکومتیں ذمہ دار ہیں۔سردار مہتاب احمد نے کہا ائر لائن کی

بحالی کے لیئے حکومت سے مانگی رقوم اس طرح سے نہیں ملیں، اوپن سکائی پالیسی نے پی آئی اے کا مالی خسارے کئی گناہ بڑھا دیا۔ انہوں نے کہا خلیجی ممالک کی ائر لائنیں ہمارے ڈومیسٹک روٹس سے مسافر لے جانے لگیں، فضائی بیڑے میں شامل جہازوں کی تزئین و آرائش مقامی سطح پر کی جارہی ہے، اگلے مرحلے میں پانچ 777 اور دیگر جہازوں پر 55 ملین ڈالرز کی رقم خرچ ہوگی۔