اسلام آباد (مانیٹرنگ ڈیسک) لیفٹیننٹ جنرل رضوان اختر صدر نیشنل ڈیفنس یونیورسٹی کا استعفیٰ منظور کر لیا گیا ہے۔ تفصیلات کے مطابق لیفٹیننٹ جنرل رضوان اختر کا کہنا ہے کہ جب بھی پاک فوج کو ضرورت ہوگی میں حاضر ہوں، فی الحال آرام کرنا چاہتا ہوں اور اپنی فیملی کو وقت دوں گا۔ ایک نجی ٹی وی سے بات چیت کرتے ہوئے صدر نیشنل ڈیفنس یونیورسٹی لیفٹیننٹ جنرل رضوان اختر کا کہنا تھا کہ
میرا استعفی منظور کر لیا گیا ہے، انہوں نے کہا کہ مستقبل میں کون سی فیلڈ جوائن کروں گا فی الحال کچھ نہیں کہہ سکتا۔ واضح رہے کہ گزشتہ روز صدر نیشنل ڈیفنس یونی ورسٹی لیفٹیننٹ جنرل رضوان اختر نے ذاتی وجوہات کی بنا پر قبل از وقت ریٹائرمنٹ کا اعلان کیا تھا، لیفٹیننٹ جنرل رضوان اختر دوران ملازمت ڈی جی آئی ایس آئی سمیت اہم عہدوں پر فائز رہے، انہوں نے کراچی آپریشن میں اہم کردار ادا کیا۔
