روہڑی (مانیٹرنگ ڈیسک ) نئے چیئرمین نیب کیلئے جسٹس (ر) جاوید اقبال کے نام پر اتفاق ہوگیا ہے ۔ جسٹس (ر) جاوید اقبال کے نام کا اعلان اپوزیشن لیڈر سید خورشید شاہ نے روہڑی میں تعلقہ ہسپتال میں انسداد پولیو مہم کے افتتاح کے موقع پر میڈیا سے گفتگو کے دوران کیا ۔ ان کا کہنا تھا کہ متحدہ کی جانب سے چیئرمین نیب

کیلئے جو نام تجویز کئے گئے تھے وہ میرٹ پر پورے نہیں اترتے اس لئے ان کو زیر غور نہیں لایا گیا ۔ تاہم جسٹس (ر) جاوید اقبال کے نام پر اتفاق ہونے کے بعد خورشید شاہ نے بتا دیا کہ وہ نئے چیئرمین نیب ہوں گے ۔ نئے چیئرمین نیب کی تقرری پر وزیر اعظم شاہد خاقا ن عباسی اوراپوزیشن لیڈر خورشید شاہ کےدرمیان آج تیسری ملاقات ہوئی، فریقین کی جانب سے چیئرمین نیب کیلئے 6اہم نام سامنے آئے ہیں، خورشید شاہ کا کہنا ہے کہ وزیراعظم سے ملاقات میں چیرمین نیب کیلئے 6 ناموں پرمشاورت ہوئی ہے ، اپوزیشن نےجسٹس (ر) فقیر محمدکھوکھر، جسٹس (ر) جاوید اقبال اور سابق سیکرٹری الیکشن کمیشن اشتیاق احمد کانام چیئرمین نیب کیلئےتجویزکیاہے جبکہ حکومت کی جانب سے چیئرمین نیب کیلئے آفتاب سلطان، جسٹس (ر) رحمت جعفر اورجسٹس (ر) چوہدری اعجاز کا نام تجویز کیا گیاہے۔اپوزیشن لیڈر نے مزید کہا کہ جماعت اسلامی نےجو نام دیا وہ انہوں نے شامل کرلیاہے ، خورشید کے ذریعے ایم کیو ایم نے سابق جج محمود رضوی کا نام پیش کردیا ہے اس طرح ایم کیو ایم نے خورشید شاہ کو دوبارہ اپوزیشن لیڈر مان لیا ہے۔