راولپنڈی (این این آئی)آپریشن ردالفساد کے تحت ایف سی بلوچستان نے دہشت گردی کی ایک بڑی کارروائی ناکام بنا دی اور بڑی مقدار میں اسلحہ برآمد کر لیا ۔ ہفتہ کو آئی ایس پی آر کے مطابق ایف سی نے خفیہ معلومات پر گراندانی، کوہلو ، غازی نالہ اچ نصیرآباد میں آپریشن کیا ۔ایف سی نے کارروائی کے دوران 13سو کلو بارودی مواد برآمد کر لیا،
بارودی مواد صوبے میں دہشت گردی کی کارروائیوں میں استعمال ہونا تھا، اہم مقامات کے نقشے اور مواصلاتی آلات بھی قبضہ میں لے لئے، آپریشن میں بارودی سرنگوں کے علاوہ مشین گنیں، راکٹ اور ہینڈ گرنینڈ بھی برآمد کر لئے گئے۔
