سرگودھا (آئی این پی ) پاکستان تحریک انصاف رواں ماہ کے آخر تک ملک بھر کے قومی و صوبائی اسمبلیوں کے امیدواروں کے ناموں کا اعلان کردیگی جس کیلئے پاکستان تحریک انصاف نے سنٹرل ایگزیکٹو کمیٹی کے اجلاس میں امیدواروں کے نام پیش کرنے کیلئے اقدامات شروع کردیئے ہیں ذرائع کے مطابق تحریک انصاف
نے آئندہ سال ہونیوالے عام انتخابات میں حصہ لینے والے امیدواروں کی فہرستیں مکمل کرلی ہیں جبکہ امیدواروں کے ناموں کا اعلان رواں ماہ کے آخر تک کردیا جائیگا تاکہ امیدوار احسن طریقہ سے اپنی مہم کو چلا سکیں ذرائع کا یہ بھی کہنا ہے کہ انتخابات میں پرانے امیدواروں کو بحال رکھا جائیگا جبکہ نئے امیدواروں کے ناموں کا فیصلہ باہمی مشاورت سے کیا جائیگا۔
