میرپور(نیوزڈیسک )پاکستان اور بنگلادیش کے درمیان 3 میچز پر مشتمل ایک روزہ سیریز کا آغاز کل سے ہوگا۔میرپورکے شیربنگلا اسٹیڈیم میں دونوں ٹیمیں کل پاکستانی وقت کے مطابق ایک بج کر 30 منٹ پر میدان میں اتریں گیں جب کہ ٹیم میں نہ مصباح الحق ہوں گے اور نہ بوم بوم شاہد خان آفریدی بلکہ اظہرعلی قیادت ملنے کے بعد بنگلادیش کے خلاف بطورکپتان اپنا پہلا میچ کھیلیں گے۔گرین شرٹس کے 16 رکنی اسکواڈ میں نائب کپتان سرفرازاحمد، محمد حفیظ، سعید اجمل، وہاب ریاض، راحت علی، احسان عادل، صہیب مقصود، حارث سہیل، سمیع اسلم، اسد شفیق، فواد عالم، محمد رضوان اور سہیل خان شامل ہیں جب کہ ٹیم میں شامل لیگ اسپنریاسرشاہ کے زخمی ہونے کے بعد ذوالفقاربابر کو اسکواڈ میں شامل کرلیا گیا ہے۔