اسلام آباد (مانیٹرنگ ڈیسک) ججز نظر بندی کیس میں سابق صدر و آرمی چیف جنرل (ر) پرویز مشرف کی عدالت کے حکم پر جائیداد ضبط کرنے کی کارروائی شروع کر دی گئی، تفصیلات کے مطابق ایک نجی ٹی وی چینل کے مطابق سابق صدر پرویز مشرف کے خلاف ججز نظر بندی کیس داخل دفتر کر دیا گیا ہے۔ ٹی وی ذرائع کے مطابق دہشت گردی کی عدالت کے جج شاہ رخ ارجمند نے ججز نظر بندی کیس کی سماعت کی، سابق
صدر پرویز مشرف کو بار بار عدالت طلب کیے جانے کے باوجود عدالت پیش نہ ہونے پر ان کے خلاف ججز نظربندی کیس داخل دفتر کردیا گیا ہے اور سابق صدر و آرمی چیف جنرل (ر) پرویز مشرف کے عدالت میں پیش نہ ہونے پر ان کے ضمانتی مچلکے ضبط کر لیے ہیں اس کے علاوہ ان کے خلاف دی گئی شہادتوں کو بھی محفوظ کر لیا گیا ہے، عدالت کے حکم پر ان کی جائیداد ضبط کرنے کی کارروائی کا بھی آغاز ہو گیا ہے۔
