لاہور ( این این آئی)پاکستان تحریک انصاف کے مرکزی رہنما اعجاز احمد چوہدری نے کہا ہے کہ (ن) لیگ کے اتنے ٹکڑے ہونے والے ہیں کہ انہیںگننا مشکل ہو جائے گا۔ انہوں نے اپنے ایک بیان میں کہا کہ نواز حکومت اپنے وفاقی وزراء اور ممبرا ن قومی اسمبلی پر اپنی رٹ کھو چکے ہیں(ن) لیگ کی صفوں میں شدید انتشار پایا جاتا ہے اور آج پاکستان

کی تاریخ کا واحد سیاسی واقعہ ہے کہ حکومتی اراکین نے اپنی حکومت کے خلاف واک آئوٹ کیا ہے ۔ انہوں نے کہا کہنواز شریف کو آئین میں ترامیم کر کے دوبارہ پارٹی کاصدر منتخب کرنا آئین کے ساتھ کھلا کھلواڑ کھیلنے کے مترادف ہے ، نا اہل شخص کسی صورت بھی نہ ہی پارٹی اور ملک کا سربراہ ہو سکتا ہے ،تمام بحرانوں کا واحد حل نئے انتخابات ہیں۔