اسلام آباد (مانیٹرنگ ڈیسک) ختم نبوت قانون میں تبدیلی کی کوشش درحقیقت بیرونی طاقتوں سے کئے وعدوں کو ایفا کیا جا رہا ہے، اب مارشل لاء آیاتو حقیقت میں یہ پہلا حقیقی مارشل لاءہو گا، اہم امریکی حکام کے مطابق ایک بڑی سیاسی جماعت کے سربراہ نے حکومت کے بدلے ایٹمی پروگرام رول بیک کرنے کی یقین دہانی کرائی، چند سال قبل امریکی کمانڈوز پاکستان کے

ایٹمی پروگرام پر قبضے کیلئے خلیجی ممالک پہنچ گئے تھے، روزنامہ خبریں کی رپورٹ میں سینئر تجزیہ کارکی نجی ٹی وی سے گفتگو کے مندرجات۔تفصیلات کے مطابق روزنامہ پاکستان لاہور نے اپنی ایک رپورٹ میں روزنامہ خبریں کی رپورٹ میں سینئر تجزیہ کار کی نجی ٹی وی سے گفتگو کے مندرجات شائع کرتے ہوئے لکھا ہے کہ نواز شریف کی اسلام آباد کی احتساب عدالت پیشی کے موقع پررینجرز کےحوالے سے پیش آئے واقعہ کے بعد رینجرز نے اسلام آباد کی اہم عمارتوں سے سیکیورٹی ہٹانا شروع کر دی ہے ، پارلیمنٹ سمیت تمام سکیورٹی پنجاب پولیس کے حوالے ہو گئی ہے۔ ختم نبوت قانون میں جب اس وقت تبدیلی کی کوششیں جاری ہیں یہ درحقیقت بیرونی طاقتوں سے کئے گئے وعدے ایفا کئے جا رہے ہیں۔ سیاستدان کو ادراک ہونا چاہیے کہ باہر کے ممالک پر انحصار خطرناک ہو تا ہے ، شاہ ایران اس کی مثال ہے ، نواز الطاف رابطے مسلسل جاری ہیں ، نواز شریف کو سقوط ڈھاکہ جیسے الفاظ کون لکھ کر دے رہا ہے، پھر کہوں گا کہ کچھ مارے جائینگے ، کچھ پکڑے جائینگے ، کچھ بھاگ جائینگے، لیکن پھر پکڑ کر مار دیئے جائینگے، آج تک جتنے بھی مارشل لاءآئے ان کی وجوہات کچھ اور تھیں تاہم اگر اب مارشل لاء آیاتو حقیقت میں یہ پہلا حقیقی مارشل لاءہو گا۔ امریکہ کے حوالے سے بات کرتے ہوئے

ان کا کہنا تھا کہ چند سال پہلے ایک بڑے مستند امریکی صحافی ہوشی نے ”نیو یارک “ میں مضمون لکھا تھا کہ پاکستان کے نیوکلیئر پروگرام کو خطرہ ہے، نیوکلیئر پروگرام میں کوئی گڑ بڑ ہوئی تھی جس پر امریکہ کے کمانڈوز اس پر قبضہ کیلئے خلیجی ممالک پہنچ گئے تھےاہم امریکی حکام کے مطابق ایک بڑی سیاسی جماعت کے سربراہ نے حکومت بدلے ایٹمی پروگرام رول بیک

کرنے کی یقین دہانی کرائی ہے۔چیئرمین نیب کیلئے جسٹس (ر) فقیر کھوکھر کا نام اس وقت تک سرفہرست ہے جوجسٹس ڈوگر کے قریبی ساتھی تھے اور آج کل اسحاق ڈار کو نیب مقدمات میں مشورے دے رہے ہیں۔