ملتان(مانیٹرنگ ڈیسک) سینئر سیاستدان مخدوم جاوید ہاشمی نے کہا ہے کہ ذوالفقار بھٹو، نوازشریف اور جونیجو جیسے سیاستدان اگر ملک تباہ کرنے والے ہیں تو ان کو بنانے والی فیکٹریوں کو بند کردیں نوازشریف اور ان کے بچوں کا احتساب ہونا چاہیے لیکن انتقام نہیں۔ملتان پریس کلب میں پریس کانفرنس کرتے ہوئے مخدوم جاوید ہاشمی نے کہا کہ ختم نبوت شق میں ترمیم کرنے والے نے (ن) لیگ اور ملک کے خلاف سازش کی ہے۔ ملک بنے 70 برس ہوگئے آج بھی مستقل آئین اور
ادارے نہیں انہوں نے کہا کہ بلوچستان کو الگ کرنے کیلئے انڈیا پاکستان کے خلاف سازشیں کر رہا ہے ہم اپنی عوام کو بے وقوف بنا رہے ہیں۔ ہم نے انڈیا سے چار مرتبہ شکست کھانے کے باوجود اپنا رویہ نہیں بدلا۔ ملک میں عسکری اور سولین قیادت کھل کر ایک دوسرے کے خلاف آگئی ہے۔جاوید ہاشمی نے کہا کہ پرویزمشرف بھگوڑا ہے، اس کا کوئی کچھ نہیں بگاڑ سکتا اداروں اور سیاستدانوں سے کہتا ہوں کہ عوام نے حکومت کو پانچ سال کا حق دیا ہے وہ پورے کرنے دو۔
