لاہور( این این آئی) سخت مزاج کے حامل سمجھے جانے والے وزیر اعلیٰ پنجاب شہباز شریف نے جوشیلے کارکنوں کے سامنے ہتھیار ڈال دئیے ، مسلسل نعرے بازی پر مسکراہتے رہے ۔ تفصیلات کے مطابق وزیر اعلیٰ شہباز شریف کے ورکرز کنونشن سے خطاب کے دوران کارکن مسلسل نعرے بازی کرتے رہے جس پر شہباز شریف نے اپنے مزاج کے مطابق پہلے سختی دکھائی اور روایتی انداز میں ہاتھ کے اشاروں سے بھئی بس کر
دیں کہتے ہوئے بیٹھنے کا اشارہ کیا لیکن کارکنوں نے ان کی ایک نہ سنی جس پر شہباز شریف مسکرا دئیے ۔ شہباز شریف کی تقریر کے دوران کارکن مسلسل نعرے لگاتے رہے اور ایک موقع پر شہباز شریف نے کہا خدا کا واسطہ ہے اور کارکنوں کے سامنے ہاتھ جوڑ دئیے ۔ انہوں نے کہا کہ آپ کے نعروں کا مقصد یہ ہے کہ میں اب گلی محلوں میں کیوں نہیں آتا ۔ میں بجلی کے منصوبے لگا رہا تھا لوگاٹھیں اور چھوارے نہیں بیچ رہا تھا جس پر شرکاء نے زبردست قہقہہ لگایا ۔
