ڈھاکہ (نیوزڈیسک) قومی ٹیم آج سے دورہ بنگلہ دیش کا غیر رسمی آغاز پریکٹس میچ سے کررہی ہے۔ یہ میچ جہاں ہوم کنڈیشنز کو سمجھنے کیلئے پوری ٹیم کیلئے اہم ہے، وہیں سعید اجمل کیلئے خاص اہمیت کا حامل ہے کیونکہ اپنے متنازعہ بولنگ ایکشن پر پابندی لگائے جانے کے بعد آف سپنر پہلی بار میدان میں دیکھے جائیں گے۔ سعید اجمل پر ورلڈ کپ سے قبل پابندی عائد کی گئی تھی۔ بولنگ ایکشن کلیئر ہونے کے بعد سے انہوں نے کسی ڈومیسٹک ایونٹ میں ان کی کارکردگی نہیں دیکھی گئی ہے۔ ایسے میں یہ آئی سی سی کیلئے یہ پہلا موقع ہوگا جب وہ بولنگ ایکشن کو کلیئر کرنے کے بعد اجمل کو بولنگ کرتے ہوئے دیکھے گی۔ یہی وجہ ہے کہ وہ آئی سی سی امپائرز کے خصوصی نشانے پر ہوں گے۔ آج کے میچ کے علاوہ بھی پوری سیریز کو سعید اجمل کیلئے خصوصی امتحان قرار دیا جارہا ہے کیونکہ توقع کی جارہی ہے کہ ورلڈ کپ میں امپائرنگ کے حوالے سے کھڑے ہونے والے تنازعے کے بعد آئی سی سی وابستہ تمام امپائرز اپنی مہارت کو ثابت کرنے میں زیادہ مستعدی کا مظاہرہ کریں گے۔