اسلام آباد (مانیٹرنگ ڈیسک) اعتزاز احسن نے این اے 120 میں شکست کا ملبہ آصف زرداری اور یوسف رضا گیلانی پر ڈال دیا، تفصیلات کے مطابق پیپلزپارٹی کے رہنماء اعتزاز احسن کا کہنا ہے کہ حلقہ این اے 120 میں شکست کے ذمہ دار آصف علی زرداری اور یوسف رضا گیلانی ہیں‘ پیپلز پارٹی کا صرف انتہائی کم ووٹ لینا افسوس ناک ہے۔ پیپلز پارٹی کے رہنما سینیٹر اعتزاز احسن نے نجی ٹی وی سے بات چیت کرتے ہوئے کہا کہ پیپلز پارٹی کی مقبولیت میں کمی کا سب سے بڑا سبب سندھ حکومت کی ناقص کارکردگی ہے اور

پیپلز پارٹی سندھ حکومت کی خراب کارکردگی ہی کی وجہ سے پیپلز پارٹی کو حلقہ این اے 120 میں صرف 1414 ووٹ ملے، انہوں نے کہا کہ پیپلز پارٹی کا انتہائی کم ووٹ لینا انتہائی افسوسناک ہے۔ اعتزازاحسن کے پارٹی قیادت کے خلاف کھل کر بولنے اور عمران خان سے مسلسل رابطوں کے بعد ان کی تحریک انصاف میں شمولیت کی افواہوں نے زور پکڑ لیا ہے، سوشل میڈیا پر زیرگردش رپورٹس میں دعویٰ کیا گیا ہے کہ اعتزاز احسن آئندہ انتخابات سے قبل ہی پیپلز پارٹی چھوڑ کر تحریک انصاف میں شمولیت اختیار کر لیں گے۔