اسلام آباد(مانیٹرنگ ڈیسک)انتخابی اصلاحات بل 2017پر ووٹنگ کے حوالے سے عمران خان برہم ہیں، نعمان وزیر کی غیر حاضری کا نوٹس ، تحریک انصاف نے اپنے سینیٹر کو شوکاز نوٹس جاری کرنے کا فیصلہ کر لیا، پارٹی کی جانب سے ووٹنگ کے دوران سینیٹرز کو حاضر رہنے کی ہدایت کی تھی۔ نجی ٹی وی نائنٹی ٹو نیوز کی ایک رپورٹ کے مطابق انتخابی اصلاحات بل 2017پر

ووٹنگ کے حوالے سے عمران خان برہم ہیں،چیئرمین تحریک انصاف نے نعمان وزیر کی غیر حاضری کا نوٹسلے لیا ہے جبکہ تحریک انصاف کی جانب سے اپنے سینیٹر کوووٹنگ کے دوران غیر حاضر رہنے پر شوکاز نوٹس جاری کرنے کا فیصلہ کر لیاگیا ہے۔ انتخاباتی اصلاحات بل 2017میں ووٹنگ میں صرف ایک ووٹ سے نواز شریف کے پارٹی صدر رہنے کی راہ ہموار ہو گئی ہے ۔اس حوالے سے تمام اپوزیشن جماعتوں نے بل کی مخالفت میں ووٹ دینے کیلئے اپنے سینیٹرز کو ووٹنگ کے دوران حاضر رہنے کی ہدایت کر رکھی تھی اور جب اس میں ناکامی ہوئی تو تحقیقات کرنے پر پتہ چلا کہ کئی سینیٹرز نے ووٹنگ میں حصہ ہی نہیں لیا اس میں تحریک انصاف کے ایک سینیٹر نعمان وزیر بھی تھے جو کہ ووٹنگ کے دوران غیر حاضر پائے گئے۔ نماز جمعہ کی ادائیگی کےلئے جب سینٹ کا اجلاس ملتوی کیا گیا تو اس دوران بعد میں دو سینیٹرز کو غائب پایا گیا جن میں عثمان ترکئی اور نعمان وزیر شامل تھے۔ تحریک انصاف کی قیادت نے جب دونوں سے رابطہ کر کے انہیں واپس سینٹ اجلاس اور ووٹنگ میں شریک ہونے

کا کہا تو عثمان ترکئی تو واپس پہنچ گئے جبکہ نعمان وزیر واپس نہ آئے اور انہوں نے ووٹنگ میں بھی حصہ نہیں لیا اور انتخابی اصلاحات بل 2017میں ووٹنگ کے دوران صرف ایک ووٹ سے اس کی مخالفت ہوئی اور یوں نواز شریف کے پارٹی صدر رہنے کی راہ ہموار ہو گئی۔ نتائج سامنے آنے کے بعد عمران خان نے سخت برہمی کا اظہار کرتے ہوئے سینٹ میں تحریک انصاف کے

پارلیمانی لیڈر ہیں انہیں ہدایت کی ہے کہ وہ اس حوالے سے نعمان وزیر کو ایک شوکاز نوٹس جاری کرتے ہوئے ان سے جواب طلب کریںکہ انہوں نے پارٹی قیادت کی طرف سے واضح احکامات ملنے کے باوجود ان کی کیوں خلاف ورزی کی اور کیوں واپس نہیں پہنچے۔