لندن: عالمی ادارہ صحت نے پاکستان کو خبردار کیا ہے کہ ایبولا وائرس جلد پاکستان پہنچ جائے گا۔ پاکستان اس سے نمٹنے کے لیے تیاری کر لے۔ عالمی ادارہ صحت کے مطابق دنیا کا کوئی ائیر پورٹ اس خطرناک وائرس کو نہیں روک سکتا۔ عالمی ادارہ کے پاکستان کے لیے نمائندے ڈاکٹر مشتیل تھیون نے برطانوی میڈیا سے بات کرتے ہوئے کہاکہ ایبولا وائرس جس تیزی سے دنیا کے مختلف ممالک میں پھیل رہا ہے پاکستان بھی اس سے محفوظ نہیں۔ انہوں نے کہا کہ پاکستانی حکومت کو اس وائرس کے خلاف تمام اقدامات ایک ماہ میں مکمل کرنا ہوں گے۔ ڈاکٹر مشتیل کا کہنا تھا کہ دنیا کا کوئی ائیر پورٹ اس مرض کے حامل مریض کو اپنے ملک میں داخل ہونے سے نہیں روک سکتا۔ اس لیے اسے حکومت کی ناکامی قرار نہیں دیا جاسکتا ۔ انہوں نے کہا کہ ائیر پورٹ تعینات اہلکاروں اور عوام کو آگاہی دیتا اس مرض کے خلاف دماغ کا سب سے بڑا موثر ہتھیار ہے۔