اسلام آباد(نیوزڈیسک )سندھ اسمبلی کے اجلاس میں ڈپٹی اسپیکر شہلا رضا اور اپوزیشن کے درمیان تلخ جملوں کا تبادلہ اور ہنگامہ آرائی تو معمول کا کام ہے لیکن آج کے اجلاس میں ہونے والی گفتگو نے سب کے چہروں پر مسکراہٹ بکھیر دی۔ سندھ اسمبلی کے اجلاس میں اپوزیشن نے حیدر آباد میں بس اڈے کے معاملے پر صوبائی وزیرخزانہ مراد علی شاہ اور شہریار مہر میں تلخ جملوں کا تبادلہ ہوا۔ مراد علی شاہ کے جوابی ریمارکس پر اپوزیشن نے شور شرابہ کر دیا۔ اس دوران ڈپٹی اسپیکر شہلا رضا نے قائد حزب اختلاف کو کہا معاملہ عدالت میں ہو تواس پر بحث نہیں کرتے بیٹا۔ جواب میں شہریار مہر نے کہا امی جی یہ تو اپ کا اختیار ہے جس پر تمام ارکان اسمبلی مسکرائے بغیر نہ رہ سکے۔ ایوان میں شہلا رضا کا کہنا تھا کہ آسی طرح بحث میں الجھے رہیں گے تو اسمبلی اجلاس اور میڈیا پروگرام میں کوئی فرق نہیں رہے گا۔ میڈیا صرف شور شرابا دکھاتا ہے یہاں قانون سازی ہو رہی ہے –