لاہور ( این این آئی) مسلم لیگ (ن) کے رکن پنجاب اسمبلی میاں عرفان دولتانہ نے کہا ہے کہ لاہور کے ضمنی انتخاب میں کامیابی سے ثابت ہو گیا ہے کہ عوام نے سازشوں کی سیاست کو مسترد کر دیا ہے ،(ن) عوام کی جماعت ہے اور عوام نے اسے کامیاب بنایا ہے ۔ایک بیان میں انہوں نے کہاکہ عمران خان اب رونا چھوڑ دیں کیوں کہ عوام نے فیصلہ دے دیا ہے ،عمران خان چار سال تک دھرنے دیتے رہے اور انہیں انتخاب میں حصہ

لینا نہ آیا ، وہ انتخابی سیاست سے باہر ہوگئے ہیں یہ ہی وجہ ہے کہ ہر ضمنی انتخاب مسلم لیگ ن ہی کامیاب ہوتی ہے ،انہوں نے کہاکہ عوام اب بھی نوازشریف کے ساتھ ہیں اور نوازشریف ہی ملک کے سب سے مقبول لیڈر ہیں ، ان کی مقبولیت اس ضمنی انتخاب میں پھر ثابت ہوگئی ہے، عوام نوازشریف سے محبت کرتے ہیں اور انتخاب میں اس محبت کا اظہار بھی کرتے ہیں۔