لاہور(مانیٹرنگ ڈیسک)حلقہ این اے 120میں جیت کے بعد مریم نواز والدہ کی تیماری داری کیلئے لندن روانہ۔ تفصیلات کے مطابق حلقہ این اے 120میں الیکشن میں فتح کے بعد مریم نواز والدہ کی تیمار داری کیلئے لندن روانہ ہو گئی ہیں جہاں نواز شریف، شہباز شریف سمیت خاندان کے باقی افرادسبھی افراد موجود ہیں جبکہ مریم نواز حلقہ این اے 120میں اپنی والدہ بیگم کلثوم نواز کی انتخابی مہم کے سلسلے میں
مصروف ہونے کی وجہ سے لندن نہیں جا سکی تھیں تاہم حلقہ میں انتخابی نتائج سامنے آنے کے بعد اب مریم نواز قطر ائیرلائن کی پرواز سے لندن ہو گئی ہیں مریم نواز کچھ دن لندن میں ہی قیام کریں گی۔واضح رہے کہ حلقہ این اے 120 میں کلثوم نواز 61254 ووٹ لے کرفاتح بن چکی ہیں تاہم وہ اپنی بیماری کے باعث انتخابی مہم میں حصہ نہیں لے سکی تھیں اور والدہ کی جگہ مریم نواز انتخابی مہم میں مصروف تھیں۔
