لاہور ( این این آئی) صوبائی وزیر قانون و پارلیمانی امور رانا ثناء اللہ خاں نے کہا ہے کہ عمران خان سپریم کورٹ سے ہمارا مقابلہ کرا رہے ہیں۔این اے 120 کے ضمنی انتخاب سے متعلق بات کرتے ہوئے رانا ثنااللہ نے کہا کہ احتساب کے نام پر ہمیں ٹارگٹ کیا گیا جس کا انکشاف جاوید ہاشمی نے 2014ء میں کیا اور بتایا تھا کہ انہیں عمران نے کہا کہ عدلیہ کے ذریعے نوازشریف کو نکالا جائے گا۔

انہوں نے کہا کہ این اے 120 میں انتخابی مہم کو مریم نواز نے شروع کیا تھا اور یہ ہار جیت اور مارجن کم کرنے کا مقابلہ ہے لیکن عمران خان سپریم کورٹ سے ہمارا مقابلہ کرا رہے ہیں۔صوبائی وزیر نے کہا کہ جو بات ہم کرتے ہیں وہ عوام سمجھتے ہیں اور ہم نے اپنے ووٹرز اور سپورٹرز کو سازش کے بارے میں بتا دیا ہے۔