اسلام آباد (این این آئی)پاکستان مسلم لیگ (ن)کے ترجمان سینیٹر ڈاکٹر آصف کرمانی نے کہا ہے کہ اب عوام شریف خاندان کی نظرثانی کی درخواستوں پر فیصلہ دیں گے۔ سابق وزیراعظم محمد نواز شریف اور عوام کو ایک دوسرے سے جدا نہیں کیا جا سکتا۔ این اے 120 کا ضمنی الیکشن نواز شریف کے حق میں عوامی ریفرنڈم ہوگا۔ جمعہ کو جاری کردہ بیان میں ڈاکٹر آصف کرمانی نے کہا کہ این اے 120 کا نتیجہ آئندہ کی ملکی سیاست کا رخ متعین کرے گا۔
انہوں نے کہا کہ این اے 120 کے ہر گھر میں شیر دھاڑ رہا ھے۔ نواز شریف اور عوام کو ایک دوسرے سے جدا نہیں کیا جا سکتا۔ انہوں نے کہا کہ عمران خان آئین اور قانون کی دھجیاں اڑاتے ہیں مگر کوئی ایکشن نہیں لیا جاتا۔دریں اثناء جمعیت علمائے اسلام (ف) کے سربراہ مولانا فضل الرحمان نے کہاہے کہ یہ توقع تھی کہ اپیلیں مسترد ہی ہوں گی تاہم کچھ فیصلے تاریخ پر چھوڑنے چاہئیں جب کہ ایسے فیصلے دنیا میں نظیر کے طور پر استعمال نہیں ہوتے۔ میڈیا سے بات کرتے ہوئے جمیعت علمائے اسلام (ف) کے سربراہ مولانا فضل الرحمان نے کہاکہ یہ توقع تھی کہ اپیلیں مسترد ہی ہوں گی تاہم کچھ فیصلے تاریخ پر چھوڑنے چاہئیں، ایسے فیصلے دنیا میں نظیر کے طور پر استعمال نہیں ہوتے، بھٹو کی پھانسی کے فیصلے کو عدالتی قتل قرار دیا گیا جبکہ محاز آرائی کی طرف نہیں جانا چاہیے ٗ اس سے گریز کرنے پر سسٹم چلتا رہے گا اور سسٹم کو کوئی نقصان نہی ہو گا۔مولانا فضل الرحمان نے کہاکہ لوگ ووٹ مسلم لیگ (ن) کو ہی دیں گے، پنجاب اور وفاق میں مسلم لیگ (ن) کی حکومت ہے جب کہ الیکشن میں پنجاب کا اہم کردار ہوتا ہے ۔ ورلڈ الیون کی پاکستان آمد دنیا کے اعتماد کا مظہر ہے، ہم نے شر پسند عناصر کو کمزور کیا لیکن ختم نہیں۔
