بیجنگ (آئی این پی) چین کے محکمہ موسمیات نے سپر سمندری طوفان تالم کے بارے میں اورنج الرٹ جاری کر دیا ہے ، یہ طوفان چین کے جنوب مشرقی ساحل سے جمعہ کو ٹکرائے گا ، یہ علاقے کا 18واں طوفان ہے جو کہ بحرالکاہل کے جنوب مغرب میں زی جیانگ صوبے سے 760کلومیٹر دور دیکھا گیا تھا ،اس کی رفتار 38میٹر فی سکینڈ ہے ، یہ طوفان مزید تیز ہو جائے گا اور زی جیانگ کے ساحل کے قریب اس کی رفتار

20کلومیٹر فی گھنٹہ ہو گی ، اس کے باعث تیز ہوائیں 52میٹر فی سیکنڈ کی رفتار سے چلیں گی ، توقع ہے کہ یہ طوفان سمندر کے شمال میں زی جیانگ کے قریب ٹکرائے گا اور اس کے بعد شمال مشرق کی جانب مڑ جائے گا ، جمعرات کو اس طوفان کے باعث جنوب مشرقی چینی سمندر اور تائیوان خلیج، تائیوان اور فوجیان صوبوں میں موسلادھار بارشیں ہوں گی اور اولے پڑیں گے ۔