اسلام آباد(نیوز ڈیسک)مسیحی برادری کے روحانی پیشوا پوپ فرانسس نے ایسٹر کے موقع پر اپنے خطاب میں دنیا بھر میں عیسیائیوں کو تشدد کا نشانہ بنائے جانے کی شدید الفاظ میں مذمت کی ہے۔دعائیہ اجتماع سے خطاب کرتے ہوئے فرانسس نے چار روز قبل کینیا کی گریسا یونیورسٹی میں شدت پسندوں کی جانب سے عیسائی طلبا کو ہلاک کرنے کی مخالفت کی ہے۔ انکا کہنا تھا کہ بھارت، سمیت مختلف ممالک میں مسیحی برادری کو بربریت کا نشانہ بنایا جارہاہے۔انہوں نے کہا کہ حضرت عیسی علیہ السلام کی تعلیمات کی پیروی کرتے ہوئے مسیحی پرامن معاشرے کی تقلید کرتے ہیں۔ پوپ فرانسس نے دنیا بھر میں ہلاک ہونے والے عیسیائیوں کے لئے خصوصی دعا کرائی اور انکی یاد میں شمعیں بھی روشن کیں۔